MATEMATIKA LH 3

Proiektu argia bere curriculum-planteamenduei dagokienez, eta praktikoa, batez ere, hala nahi duen irakasleak aukera izan dezan bere ikasgelan eskakizun handiko proiektu berritzaile bat esperimentatzeko; horretarako, proiektu honek:
–Argi formulatzen ditu konpetentziak.
–Konpetentzia-ibilbideen arabera eta unitate didaktikoetan antolatutako edukien programazio eta denbora-banaketa bat eskaintzen du.
–Ikasgelarako material aberatsak eskaintzen ditu, bai erabilerari dagokionez, bai zailtasun mailari dagokionez:
•Irakaslearentzako baliabideak.
•Ikasgelarako jolasak eta manipulazio-materialak.
•Ikasleentzako laneko liburuak.
•Unitate Didaktiko bakoitzerako material digital interaktiboak, hezkuntza-plataformaren bitartez.
•Matematikako oinarrizko konpetentzia –problemak ebazteko konpetentzia– lantzeko lantegiak eta baliabide digitalak.
–Metodologiari eta antolamenduari buruzko iradokizunak eskaintzen ditu, ikasketa irakaslearen zehaztatzaile- eta dinamizatzaile-eginkizunean, berdinen arteko lankidetzan eta ikasle bakoitzaren nahitaezko lan eta ahaleginean oinarritua izan dadin.
–Ikasketa eta irakaskuntza-prozesua bera ebaluatuz, alde batetik ikasle bakoitzaren premiak albait bizkorren atzemateko eta bestetik ikasgelako lan kolektiboa orientatzeko baliabideak eta tresneria eskaintzen ditu.
Proiektu honek, labur esateko, matematikaren ikasketaren helburu batzuk (zertarako, konpetentzi mailak), eduki sekuentziatu batzuk (zer, noiz eta zein ordenatan), ikasgelarako irakaskuntzako material moderno batzuk eta baliabide didaktiko batzuk (zeren bitartez), metodologia bat (nola) eta ikasleek zenbat aurreratu duten ebaluatzeko modu bat (zenbateraino) ahalik eta gehien zehaztuko dituen lanerako plan bat eskaini nahi die irakasleei.