JOKOA.COM

Amets batean sartuta bizi nahi nuke, Matrix bezalako amets batean, pelikula bat asmatu nahi nuke bizitzatik ihes egin ahal izateko. Batzuetan, ametsak bete egiten dira. Beste batzuetan, amesgaizto bihurtzen. Llum-ek -Triniti izena hartuta orain- ahaztu egin nahi du bere iragana, eta Morfeok, txat batean ezagutu duen internauta batek, lagundu egin nahi dio. Elkarrekin, JOKOA asmatzen dute, sentimenduak manipulatu eta frustazioak hustu daitezkeen unibertso berri bat. Hasieran, ordenagailuan baino existitzen ez den unibertso bat. Harik eta baten batek egoeraren kontrola galtzen duen arte. Orduan hasiko dira benetako problemak.